Президент Садыр Жапаров Тажикстандын президенти Эмомали Рахмондун чакыруусу менен 8-9-июлда мамлекеттик сапар менен Дүйшөмбүгө барат.
Бул тууралуу 7-июлда президенттин администрациясынын тышкы саясат бөлүмүнүн башчысы Сагынбек Абдумуталип билдирди.
“Мамлекеттик сапардын алкагында Тажикстан Республикасынын президенти Эмомали Рахмон менен сүйлөшүүлөр, ошондой эле парламенттин эки палатасынын спикерлери жана өлкөнүн премьер-министри менен жолугушуулар мерчемделген”, - деди Абдумуталип.
Сапардын жүрүшүндө эки мамлекет башчыларынын биргелешкен билдирүүсүн кабыл алуу, бир катар эки тараптуу документтерге кол коюлары күтүлүүдө.
Мындан тышкары кыргыз-тажик экономикалык жана инвестициялык форуму, эки өлкөнүн маданият ишмерлеринин катышуусунда “Түбөлүк достук” концерти өтөрү маалым болду.
Жапаровдун Тажикстанга сапары тууралуу 30-июнда бул мамлекеттин тышкы иштер министри Сирожиддин Мухриддинди кабыл алганда белгилүү болгон.